फॅशन आणि आधुनिक जीवनशैली यांचा संगम अधिक ठळक होत असताना India Couture Week 2026 मध्ये एक वेगळाच प्रयोग पाहायला मिळाला. प्रीमियम कूकवेअर ब्रँड Bergner India ने प्रसिद्ध फॅशन डिझायनर Arpita Mehta यांच्या सहकार्याने रॅम्पवर विशेष उपस्थिती नोंदवत India Couture Weekमध्ये सहभागी होणारा पहिला कूकवेअर ब्रँड ठरला.
दिल्लीतील Taj Palace येथे आयोजित या शोमध्ये Bergner India ने शो पार्टनर म्हणून सहभाग घेतला. या निमित्ताने ब्रँडच्या Excalibur Cast Iron कलेक्शनमधील आकर्षक एनॅमल रंगसंगतीचा वापर Arpita Mehta यांनी आपल्या कूचर डिझाइन्समध्ये केला. त्यामुळे फॅशन, रंगसंगती आणि आधुनिक डिझाइन यांचा वेगळा अनुभव प्रेक्षकांना पाहायला मिळाला.
ही संकल्पना Bergner India च्या “Fashion for Your Kitchen” मोहिमेचा भाग असून, कूकवेअरला केवळ स्वयंपाकघरातील उपयुक्त वस्तू न मानता आधुनिक घराच्या सौंदर्याचा महत्त्वाचा घटक म्हणून सादर करण्याचा ब्रँडचा प्रयत्न आहे.
आजच्या ग्राहकांसाठी स्वयंपाकघर हे फक्त कामाचे ठिकाण राहिलेले नाही. घराच्या इंटिरिअर डिझाइनमध्ये त्याला महत्त्वाचे स्थान मिळत असून, कूकवेअरची निवडही सौंदर्यदृष्टी लक्षात घेऊन केली जात आहे. या बदलत्या विचारसरणीला केंद्रस्थानी ठेवत Bergner India ने फॅशनच्या माध्यमातून आपल्या डिझाइन तत्त्वज्ञानाला नवी दिशा दिली.
या सहकार्याबद्दल बोलताना Bergner India चे व्यवस्थापकीय संचालक आणि मुख्य कार्यकारी अधिकारी Umesh Gupta म्हणाले, “ही भागीदारी केवळ फॅशनपुरती मर्यादित नाही. कूकवेअरला आधुनिक जीवनशैलीचा भाग म्हणून पाहण्याची दृष्टी अधिक व्यापक करण्याचा हा प्रयत्न आहे. Excalibur कलेक्शनमधील रंगसंगती India Couture Weekच्या रॅम्पवर पाहणे आमच्यासाठी अभिमानाची बाब आहे. उत्तम डिझाइन घराच्या प्रत्येक कोपऱ्यात दिसायला हवे आणि त्यात किचनचाही समावेश असावा, असा आमचा विश्वास आहे.”
डिझायनर Arpita Mehta यांनीही या सहकार्याविषयी प्रतिक्रिया देताना सांगितले, “डिझायनर म्हणून प्रेरणा अनेकदा अनपेक्षित ठिकाणांहून मिळते. Bergner च्या Excalibur कलेक्शनमधील रंग, फिनिश आणि कारागिरीने मला आकर्षित केले. त्या रंगछटा कूचर डिझाइन्समध्ये साकारण्याचा हा अनुभव वेगळा होता. फॅशन, इंटिरिअर्स आणि दैनंदिन जीवन यांना डिझाइनच्या माध्यमातून जोडण्याची ही संधी होती.”
या सादरीकरणातून Bergner India ने उत्पादनातील नवकल्पनांसोबतच डिझाइन, संस्कृती आणि आधुनिक जीवनशैली यांना जोडणाऱ्या अनुभवांवरही आपला भर असल्याचे अधोरेखित केले. India Couture Week 2026 मधील ही भागीदारी फॅशन आणि किचन डिझाइनच्या संगमाचा नवा अध्याय मानली जात आहे.
