Housefull 5 Box Office Collection Day 10: अक्षय कुमार आणि त्यांच्या धमाल टीमचा ‘हाऊसफुल ५’ सध्या बॉक्स ऑफिसवर कमाल करत आहे. मर्डर मिस्ट्री आणि कॉमेडीचा भन्नाट मिलाफ प्रेक्षकांना प्रचंड आवडत आहे. प्रदर्शनाच्या दहाव्या दिवशीही या चित्रपटाने आपला वेग कायम ठेवला आहे.
पहिल्या आठवड्यात मिळालेला जोरदार प्रतिसाद आणि दुसऱ्या वीकेंडला आलेली कमाई पाहता, ‘हाऊसफुल ५’ हा चित्रपट मोठा हिट ठरण्याच्या मार्गावर आहे. दुसऱ्या रविवारी, म्हणजेच रिलीजनंतर दहाव्या दिवशी या चित्रपटाने किती कमाई केली, हे जाणून घेणं रोचक ठरणार आहे.
गेल्या काही वर्षांपासून अक्षय कुमारचे चित्रपट सातत्याने अपयशी ठरत होते. मात्र ‘हाऊसफुल ५’ने त्यांच्यासाठी नवा उजेड दाखवला आहे. या चित्रपटामुळे अक्षयला पुन्हा एकदा बॉक्स ऑफिसवरचा ‘खिलाडी’ म्हणवून घेण्याची संधी मिळाली आहे.
सॅकनिल्कच्या सुरुवातीच्या ट्रेंड रिपोर्टनुसार, ‘हाऊसफुल ५’ने आपल्या प्रदर्शनाच्या दहाव्या दिवशी तब्बल ११ कोटी रुपये कमावले आहेत. यासह चित्रपटाचे एकूण कलेक्शन आता १६२.१४ कोटी रुपये झाले आहे – जे निश्चितच प्रभावी आकडा मानला जातो.
या चित्रपटात अक्षय कुमारसोबत अभिषेक बच्चन, फरदीन खान, रितेश देशमुख, सोनम बाजवा, नर्गिस फाखरी, नाना पाटेकर, जॅकी श्रॉफ, रणजीत, जॅकलिन फर्नांडिस, चंकी पांडे, डिनो मोरिया आणि सौंदर्या शर्मा यांची दमदार उपस्थिती आहे. हे तगडे स्टारकास्ट आणि दमदार संवाद यामुळे प्रेक्षकांना भरभरून मनोरंजन मिळत आहे.