भारतीय संगीतविश्वातील एक सुवर्ण अध्याय संपला आहे. आपल्या सुरेल, खणखणीत आवाजाने तब्बल आठ दशकं रसिकांना मंत्रमुग्ध करणाऱ्या ज्येष्ठ गायिका आशा भोसले यांचं वयाच्या 92 व्या वर्षी मुंबईत निधन झालं. त्यांच्या जाण्याने केवळ बॉलिवूडच नव्हे, तर जगभरातील त्यांच्या चाहत्यांमध्ये शोककळा पसरली आहे.
आशा भोसले या केवळ गायिका नव्हत्या, तर त्या एक बहुआयामी व्यक्तिमत्त्व होत्या. संगीतासोबतच त्यांनी खाद्यविश्वातही स्वतःचा ठसा उमटवला. ‘Asha’s’ या नावाने त्यांनी उभारलेली रेस्टॉरंट चेन आज जागतिक स्तरावर यशस्वी ठरली आहे.
स्वरांपासून स्वादापर्यंतचा प्रवास
गायनाइतकंच आशा ताईंना स्वयंपाकाचीही प्रचंड आवड होती. त्यांच्या मते, “मनापासून बनवलेलं जेवण आणि मनापासून गायलेलं गाणं – दोन्ही सारखंच आत्मिक समाधान देतं.”
लहानपणी वडिलांच्या नाट्यसंस्थेसोबत फिरताना त्यांनी एकत्र जेवण बनवण्याची आणि खाण्याची संस्कृती अनुभवली. मोठ्या भांड्यांमध्ये शिजणाऱ्या जेवणाचा सुगंध आणि लोकांच्या चेहऱ्यावरचं समाधान पाहूनच त्यांच्या मनात कुकिंगची आवड निर्माण झाली.
‘Asha’s’ची ग्लोबल सुरुवात
2002 साली दुबईतील WAFI City Mall मध्ये ‘Asha’s’ या पहिल्या रेस्टॉरंटची सुरुवात झाली. हे फक्त सेलिब्रिटी नावावर चालणारं ठिकाण नव्हतं, तर एक विचारपूर्वक उभारलेला बिझनेस होता. गेल्या दोन दशकांत हा ब्रँड आंतरराष्ट्रीय स्तरावर पोहोचला.
5 देशांत 14 रेस्टॉरंट्स आज ‘Asha’s’ रेस्टॉरंट चेन जगभर पसरली आहे:
संयुक्त अरब अमिरात – दुबई, अबू धाबी कुवैत, बहरीन, कतार युनायटेड किंगडम – बर्मिंघम, मँचेस्टर लंडनसारख्या प्रमुख शहरांमध्येही या रेस्टॉरंटला मोठी पसंती
चवीचं रहस्य: आशा ताईंचा खास मसाला
या रेस्टॉरंटच्या यशामागचं गुपित म्हणजे त्याची अस्सल चव.
आशा ताई स्वतः मुंबईत बसून त्यांच्या घरच्या पारंपरिक रेसिपीनुसार ‘गरम मसाला’ तयार करून घेत असत तो मसाला त्यांच्या देखरेखीखाली तयार होऊन परदेशातील शाखांमध्ये पाठवला जात असे त्या फक्त चव घेऊन सांगू शकत होत्या की कोणता मसाला किती प्रमाणात आहे
खास पदार्थांची मेजवानी
‘Asha’s’च्या मेन्यूमध्ये उत्तर-पश्चिम भारतीय पदार्थांचा खास समावेश आहे:
भट्टी का चाप केरल चिली गार्लिक प्रॉन्स मकई सीक कबाब कोडी करी आणि फिश बिर्याणी मंद आचेवर शिजवलेली डाळ
आठवणींनी सजलेली भिंती
या रेस्टॉरंटमध्ये प्रवेश करताच आशा भोसले यांच्या आयुष्याचा प्रवास डोळ्यांसमोर उभा राहतो.
पंतप्रधान नरेंद्र मोदी यांच्यासोबतचा फोटो देव आनंद, अमिताभ बच्चन, शाहरुख खान, सलमान खान यांच्यासोबतच्या आठवणी कुटुंबीयांचे आणि बालपणीचे फोटो हे ठिकाण म्हणजे जणू त्यांच्या आयुष्याचं जिवंत संग्रहालयच आहे.
सन्मान आणि पुरस्कार
गायनासोबतच त्यांच्या बिझनेसला देखील मोठा सन्मान मिळाला.
‘The Curry Oscars’मध्ये लाइफटाइम अचीवमेंट अवॉर्ड भारत सरकारकडून पद्म विभूषण आणि दादासाहेब फाळके पुरस्कार
आशा भोसले नेहमी म्हणायच्या की, लोकांना प्रेमाने जेवण वाढण्यात जी आनंद मिळतो, तो गाण्याइतकाच खास असतो. त्यांच्या रेस्टॉरंटमध्ये जाणाऱ्या प्रत्येकाला घरचं वातावरण अनुभवायला मिळत असे.
त्यांच्या निधनाने एका युगाचा अंत झाला असला, तरी त्यांचा आवाज आणि त्यांनी दिलेली चव – दोन्ही कायम जिवंत राहतील.
त्या खर्या अर्थाने अशा कलाकार होत्या, ज्यांनी आपल्या सुरांनी आणि चवीने जग जिंकलं.
=====
हे देखील वाचा : आशा भोसले : ८ दशकांचा सुवर्ण प्रवास, १२ हजार गाण्यांचा विक्रम; सुरांची अमर सम्राज्ञी
=====